Chapter Seventy-eight
"Kagabi po'y late na talagang dumating si Boss Quiran. Tapos kaninang umaga po'y maagang umalis. Mukhang hindi po sila okay, Miss Fely." Akmang pupunta ako sa garden nang marinig ko iyon. Pero kusa talagang huminto ang aking mga paa sa paglalakad dahil sa tinig na iyon ni Jovie.
"Ma'am, grabe po pala iyong kapatid ni Ma'am Bituin. Parang isang pitik na lang ay titilapon na." Akmang susugod na ako dahil nabanggit na naman nila ang pangalan ng kapatid ko. Pero may pumigil sa akin. Si Coralyn. Umiling ito, saka sumenyas sa akin na umalis na muna kami roon. Kaya tahimik kaming umatras.
"Nag-iinit ang ulo ko sa mga iyan." Gigil na ani ko.
"Relax, isang oras na lang ay hawak na nila ang control sa ilang parte ng CCTV dito. Huwag kang magpahalata na may alam tayo sa mga
