Chapter Seventy-nine
"Quiran, may result na agad?" ani ni Fely na wari'y excited na excited. Dito ko na sa office pinapunta ang babae para makapag-usap kami. Kalmado ko lang itong tinitigan. Kung pagmamasdan ito ay hindi mo maiisip na kaya nitong gumawa ng mga ikasasakit ng ulo ko. Pero kalmado lang ako. Dinampot ko ang folder na silyado pa saka iyon ibinigay rito.
"Iniutos ko na bilisan ang proseso para makita na agad natin ang result. Open it." Dali-dali naman nitong binuksan iyon.
"Sabi ko na!" napatili pa ito sa labis na galak. Nagsalubong ang kilay ko. Agad nitong ipinakita sa akin iyon. "Quiran, positive. Anak mo si Frea." Tumayo pa ito't umikot saka yumakap sa akin. Pero dali-dali ko itong tinabig kaya napaupo siya sa sahig. "Q-uiran!" reklamo nito sa akin.
Tinitigan ko lang siy
