Chapter 103
"Pailalim nang kumikilos si Cassy at Keus para sa mga property ng mga Angeles. Binayaran na nila iyong mga taong nakapwesto para lang maisalin sa pangalan nila iyong mga ari-arian. Hindi nila magawa iyan noon dahil sa abogado ng mga Angeles. Pero ilang ulit nang nalagay ang buhay ng abogado sa alanganin. Binigyan na siya ng protection. Nagsabi na rin si Bituin sa akin na nais n'yang makipagpulong sa abogado kaya naman nag-set na ako ng schedule. Pero hihingin ko pa rin ang opinion mo, boss." Tuloy-tuloy mang nagsusulat si Nevara sa tablet niya, ang mata ay naroon, pero alam kong kapag sumagot ako rito ay maiintindihan pa rin niya.
"Kailan iyan at sasamahan ko siya?"
"Sunday, 7 pm. Naka-schedule kang pumunta kina Fely."
"Cancel it. Mas importante ang asawa ko." Mabilis niton
