KANINA, nakatulog siya sa sofa dahil maaga siyang nagluto at pagkagising niya, wala na si Knoxx. Tanging utensils lang nito na nasa mesa ang naiwan, senyales na kinain nito ang niluto niyang agahan. Hindi man lang ito nag-abalang gisingin siya.
Napanguso siya at tumingin sa labas ng bintana. Nandito siya sa Jollibee sa Tamiya at hinihintay si Snow. Ang sabi nito’y paparating na ito. Sampung minuto ang nakaraan simula nung sinabi ni Snow ‘yon. Napasimangot siya at muling tiningnan ang kanyang phone. Panigurado, naliligo pa ‘yon. Napairap nalang siya at napailing-iling. Hindi pa rin talaga nagbabago ang kaibigan.
Kahapon, binisita niya ang kanyang mga nanay-nanayan at tuwang-tuwa naman ito nang makita siya muli. Binigay niya ang dalang pasalubong para sa mga
