16
Nang matapos silang mag-almusal ang lahat, dumiretso si Wasim sa supply room, wala naman siyang nakitang kakaiba o ano pa man sa loob. Sampung minuto na siyang palibot-libot doon at wala naman siyang nakitang babae katulad sa mga litratong nakuhanan niya kahapon habang kasama ang kasintahan na si Raisse.
‘Baka may mali lang talaga sa camera ng cellphone, china phone kasi,’ sa isip-isip niya kahit sa totoo niyan kahit ilang beses siyang gumawa ng dahilan, hindi mawawala ang pag-aalala niya tungkol sa mga litratong ‘yon at malinaw ang lahat na may nasabay talaga sa kanila.
Huminga siya ng malalim, ni wala pang nakakaalam tungkol sa mga litrato kahit si Raisse, baka matakot pa niya ang kasintahan at mag-umpisa na naman ang pagtatalo nila. Tumalikod na lamang siya para lumabas ng silid
