BUSOG na naman ang puso ni Janicah sa sobrang kasiyahan dahil kumpleto na naman silang lahat sa mansiyon. Nang gabing iyon gaganapin ang family dinner nila. Kasama ang buong pamilya ni Janicah. Instant celebration na rin iyon para sa kaniyang pa-welcome party sa mansiyon. Hindi kasi pumayag si Mama Belle na walang celebration para doon.
Habang naghihintay ng oras para sa dinner, masaya namang naglalaro ang mga bata sa may malawak na salas. Active na active na naman ang kakulitan ni Kieran dahil sa mga batang nakikita na siyang mga anak naman ng kaniyang Ate Jossa at Kuya Anton.
“Tingnan mo si Kieran, hubby. Ganyan ba talaga siya kapag may mga bata sa paligid niya? Pati ako, itsapuwera?” tanong ni Janicah kay Ezekiel nang lapitan siya nito. Siya naman ay nakatuon ang buong atensiyon sa an
