Wala namang naging problema sa pag-file ng annulment ni Eva. Parang pagdating niya doon ay gumaan-gaan ang kanyang loob ng mai-file niya iyon.
Napapaisip din siya, nakakapanghinayang lalo pa at alam niya sa kanyang sarili na mahal pa ang asawa. Pero lahat lahat ng pananakit at panggagago nito sa kanya, tama lamang ang ginawa niyang iyon. Gano'n na rin naman ang gagawin nito katulad ng sabi ng mga magulang nito.
Mahigit isang linggo na rin ang nakalipas, natitiyak niya na naipadala na kay Audrix ang request at ang papers na kailangan nitong pirmahan. Pero nakakapagtakang wala pa rin sa kanyang abiso na okey na iyon o kaya ay pumirma na ang lalaki.
Nasa kanyang silid siya ng mga oras na iyon, tanghali at nagpapahinga siya. Masyado kasing mainit kaya nagpapalamig siya doon kasi mas
