Chapter 38: Order
MATAPOS ang mga nangyari sa pagitan ni Lucien at Morana sa lupa ay nagpasiya naman si Morana na bumalik sa impyerno. Tulad ni Beelzebub at Mammon ay bumalik silang lahat sa impyerno.
"Morana, may balita ba sa inutos ko sa'yo?" agad na tanong ni Lilith kay Morana nang makita siya nitong papasok sa silid ni Lucifer.
At dahil nakita ni Beelzebub si Morana na pumasok sa silid ng ina nila ay palihim na sinundan ito ni Beelzebub at palihim na nakinig sa usapan ni Morana at ni Lilith.
"Ipagpaumanhin n'yo po, mahal na reyna... H-hindi ko po nagampanan ang tungkuling inutos n'yo sa'kin..." bagsak ang balikat na sagot naman ni Morana.
Kaya naman nang makita ni Lilith na nakasimangot si Morana at mukhang walang buhay ay tumalim ang mga titig niya rito. Nakikita kasi ni Lilith k
