Chapter 55: Reconciliation
TINITIGANG mabuti ni Lilith si Lucifer habang kasalukuyan silang nagdidiskusyon. Habang si Lucifer naman ay seryoso lang na nakatingin sa mga kasama niya.
"Totoo ba ang sinabi ni Morana, Lucifer? Totoo bang hinayaan mong bumalik si Lucien sa mundo ng mga tao?" seryoso at matapang na tanong ni Lilith sa kanyang asawa.
Huminga naman nang malalim si Lucifer bago nagpasiyang magsalita. "Oo, tama ka nang narinig. Pinayagan ko nga si Lucien na bumalik sa mundo ng mga tao dahil iyon ang kahilingan niya. Bilang ama niya ay gusto ko lang na pagbigyan ang kahilingan niya,"
Naikuyom naman kaagad ni Lilith ang kamao niya dahil sa galit. Dahil kasi sa pamamalakad ni Lilith sa impyerno ay hindi niya kaagad nalaman na pinabalik na pala ni Lucifer ang anak nito sa mundo ng
