"Ano po ang tungkol sa amin ni Hannah?" Kunot noong tanong niya sa ama. Nakangiti naman ang ama, kaya marahil maganda ang sasabihin nito. Isa pa tanggap na ng ama si Hannah, lalo na't magkakaanak na sila ng asawa at mabibigyan na nila ng apo ang papa niya.
"Well, alam ko ang kasulatang ginawa ni papa sa inyo ni Hannah," tugon nito na kinagulat niya. Sa pagkakaalam niyang walang ibang nakakaalam sa kasunduan na iyon maliban sa abogado ng lolo niya, si Hannah, ang nanay nito at siya lang.
"Paano ho?"
"Sa totoo niyan magsimula ng humina ang katawan ng lolo mo, pinahayag niya sa akin ang gusto niyang mangyari sa iyo at kay Hannah."
"What?!" Bulalas niya. Hindi makapaniwala na alam ng ama ang tungkol sa bagay na iyon.
"Dylan, tumanggi ako sa gusto ng lolo mo na pakasalan mo ang isa sa anak
