Kinabukasan maaga siyang nagising para mag ayos papasok ng eskwela. Excited siya dahil magkikita sila mamaya ni Dylan. Susunduin siya ng gwapong doktor sa unibersidad. Magmumula pa ito sa San Sebastian at bibiyahe papuntang Sa Miguel para lang makita siya. Pakiramdam tuloy niya napaka espesyal niya para kay Dylan.
Matagal din silang nag usap ni Dylan kagabi. Iba, iba ang napag usapan nila. Naglaan talaga ng oras ang binata para sa kanya. Bagay na talaga naman kinakiligan niya at pakiramdam pa niya lalong lumalim ang damdamin niya para sa binata, dahil sa atensyon na binibigay nito sa kanya.
"Magandang umaga ho nay," masiglang bati niya nang bumaba at datnan ang ina na naghahanda ng almusal para sa kanila.
"Maupo ka na at kumain."
"Tulungan ko na po kayo nay," tugon naman niya at tinul
