MULA SA shoulder bag ni Raven ay inilabas niya roon ang baon niyang tinapay. Lihim pa siyang napausal ng pasasalamat kanina nang hindi makita si Lhorde na bigla na lamang sumusulpot mula sa kung saan. Nasa rooftop ulit siya ng Tourism Department para doon kumain ng tanghalian.
Lord, salamat po sa pagkaing ito, usal pa ni Raven sa kaniyang isipan habang hawak sa kaniyang dalawang kamay ang tinapay. Kain po tayo, alok pa niya bago sinimulang buksan ang plastic na siyang pinaglalagyan ng kaniyang tinapay.
Akmang kakagatan na niya iyon nang bigla na lang iyong mawala sa kaniyang kamay.
Napapakurap na napalingon siya sa kaniyang likuran. Pakiramdam pa niya ay sandali siyang nanigas sa kaniyang kinauupuan nang makita ang seryosong mukha ni Lhorde na nakatuon ang tingin sa kaniya.
“So, dito k
