MABAGAL ang mga hakbang ni Raven habang papalabas siya sa Ellison Hall. Ang pisnging nasampal kanina ni Marylou ay tinatabingan niya ng kaniyang buhok. Halata kasi ang pamumula niyon at ayaw naman niya na makita iyon ng mga tao.
Balak sana niya ay maglakad na lamang pabalik sa kaniyang klase, para kahit paano ay mabawasan ang pamumula ng sampal sa kaniya.
“Raven!”
Napahinto siya sa paglalakad nang marinig ang boses na iyon. Umangat ang tingin niya at hinayon ng tingin ang pinanggalingan niyon. Nakita niya si Lhorde na tumatakbo palapit sa kaniyang kinaroroonan.
Nakasuot pa ito ng jersey nito.
Napakurap-kurap siya. Bumakas ang pagtataka sa maganda niyang mukha nang makita si Lhorde. Bakit ito naroon?
Hingal na hingal pa ito nang makalapit sa kaniya.
“G-galing ka pa sa gym?” gulat pa
