“BAKIT hindi ka man lang nag-text para masundo kita? Mas pinili mo pa ang maligo sa ulanan,” sita pa ni Lhorde kay Raven nang pumunta ito sa may harapan niya. Dinukot pa ng binata ang panyo sa bulsa nito at siyang pinampunas sa basang buhok ni Raven.
Ilang sandali ang lumipas bago nagawang makahuma ni Raven sa pagkabigla. Medyo napatingin siya sa may dorm building kung saan may mga pares ng mata na nakatingin sa kanila.
Hindi tuloy alam ni Raven kung concern ba si Lhorde sa kaniya o para lang ipakita sa mga tao na concern ito sa kalagayan niya?
“O-okay lang ako. Inabutan lang naman ako ng ulan habang papunta rito. At saka, baka busy ka kaya hindi na kita inabala pa.”
“Kahit na,” sa halip ay wika ni Lhorde bago siya akmang igigiya papasok sa loob ng dorm nang umiling siya.
“Basang-basa
