33: Fall Apart
Tiningala ni Than ang kalangitan na nag-uumpisa nang magkulimlim ang kalangitan sa kanilang tapat, magkasama sila ni Gab, hinihintay nilang mag-umpisa ang panibagong laban sa pagitan ng liwanag at dilim. Nakatayo sila sa malawak sa kapatagan na malayo sa siyudad, likuran nila ang isang kakahoyan, habang tumatagal lalong lumalakas ang dilim, ito rin ang lugar kong saan nakita niyang namatay noon si Rinzen para lang maging mortal. Tinatanaw nila mula sa malayo ang siyudad, pinagdadasal niyang nasa mabuti lang si Rin sa mga oras na ‘yon, nakatupi ang pakpak niya mula sa likuran na handa nang bumuka at hawak din niya ang kalawit sa kaliwang kamay.
Lumapit si Gab sa kanya at tumabi, “bakit hindi mo pa sinabi kay Rinzen kong ano ba talaga ang tunay ninyong ugnayan sa isa’t isa?”
