21: Mishap
Nang makabili si Kie ng paboritong pagkain ng ate Rin niya ay agad na siyang lumabas ng fast food na pinuntahan niya, gusto niyang mag-sorry sa pagtatalo nila nang umaga, hindi naman niya gustong pangunahan ang ate niya, na iinis lang siya sa tuwing nakikita niya itong umiiyak o di kaya’y napapagod sa trabahong pinasok. Hindi niya inaasahan na mas malalim pa pala ang problema ng ate Rin niya, kesa sa inaakala niya. Para na ring magulang niya ang dalaga kaya gusto niyang suklian ang kabutihang binigay nito sa kanya sa maliit na bagay at paghingi ng patawad sa mga sinabi niya.
Dire-diretso lang siya sa paglalakad habang sinasabayan ng ulo niya ang tugtug na naririnig niya mula sa headphone na nakapasak sa tenga niya, wala siyang kamalay-malay na may nakasunod sa kanya at may hin
