DAHIL sa sugat ko ay nawala nga ang pagdududa sa akin ni Cole at napalitan ng pag-aalala, hindi ko na makita pa ang galit sa kanyang mga mata tuwing tinitingnan niya ako, bagkus ay malambot na expression na ang pinapakita niya sa akin at nagagawa na niya akong ngitian, bumalik na sa dati ang kanyang pakikitungo sa akin— ah mali pala, dahil mas naging maalaga siya sa akin ngayon kumpara dati.
Magkatabi kaming natulog kinagabihan, he kisses me and cuddle me; parang lumambing siya sa totoo lang.
Kaya lang, iba ang mga katulong sa hacienda kumpara sa mga katulong sa mansyon na dati niyang pinagdalhan sa akin; dahil kung ang mga katulong sa mansyon na mababait ang pakikitungo sa akin, kabaliktaran naman sa mga katulong sa hacienda; dahil pakiramdam ko ay isa akong criminal kung tingnan nila;
