Marcet Residence
Natatakot ang haligi ng tahanan para sa kaniyang pamilya ngunit hindi siya maaaring magpakita ng pangamba. Kailangan niyang magpakatatag dahil kung panghihinaan siya ay walang magagawa iyon para protektahan ang kanilang pamilya. Para kay Jerald ay kaya niyang isakripisyo ang sarili upang hindi masaktan ang kaniyang asawa at mga anak. Katulad ng nangyayari sa pamilya ni Lord at Marvin.
‘Ni sa kaniyang isipan ay hindi niya lubos maisip na ang dating kinikilalang malapit at minahal na kaibigan ay gagawa ng mga ganitong karumal-dumal na gawain dahil lang sa gusto nitong maghiganti. Sa isip pa niya ay kaya niyang tanggapin ang galit kung sa kaniya lang ito maghihiganti, ngunit ang paraan ni Fernando ay hindi katanggap-tanggap dahil ang mga walang alam, kinalaman at nananahim
