KAARAWAN ng pinsang si Kyle. Kahit wala siyang gana na pumunta, napilitan din nang makatanggap ng sunod-sunod na text message mula kina Cain at Brix.
Napabuntong-hininga siya habang nakatingin sa kisame ng sala, parang may mabigat na nakadagan sa dibdib. Pero sa huli, tumayo rin siya mula sa sofa at tinungo ang banyo. Mabilis siyang naligo, walang kahit anong arte — parang gusto niyang matapos agad ang gabing ito.
Nang makalabas, simple lang ang suot: itim na shirt, dark jeans, at leather jacket. Wala nang kung ano-ano pa. Mas gusto niya iyong hindi napapansin sa karamihan… o baka mas gusto niyang wala talagang lumalapit sa kanya.
Pagkababa sa parking area, sinuot niya ang helmet at sumakay sa big bike. Mula nang ma-junk ang luma niyang motorsiklo, dito na siya sa penthouse tumira — mas
