ABALA ang lahat sa paghahanda—kaarawan ng ama, na gaganapin sa garden ng mansion. Ilan sa mga bisita ay mula sa business industry, habang ang iba naman ay malalapit na kaibigan ng pamilya. Naroon din ang ibang kaanak ng mga Montemayor.
Kagaya ng magkapatid, abala rin sila sa paghahanda. Sa rooftop gaganapin ang main event ng selebrasyon, ngunit mauuna muna ang simpleng salu-salo sa garden. Siyempre, kasabwat rin nila ang Mommy ni Freyah sa sorpresa nila sa ama.
Pagkatapos ng hapunan sa garden, ang plano ay diretso naman ang lahat sa rooftop para sa kasiyahan sa gabi. Ngunit hindi lang iyon ang espesyal na mangyayari—kasabay din ng pagdiriwang ang proposal ni Troy kay Moneth.
Napansin ni Freyah na kinakabahan ang Kuya Troy niya sa nalalapit na sandali. Ngunit halatang excited din siya, p
