Gillian POV.
HAWAK ko ang isang lumang litrato habang nakatayo sa tapat ng malaking salamin. Maingat kong pinagkukumpara ang dalawang larawan, ang nakaraan at ang kasalukuyan. Malaki ang ipinagbago ko. Ang dating kulay-asul kong mga mata ay naging golden brown. Ang buhok kong dating itim ay ngayo’y light brown, mabuti na lang at nanatili ang moreno kong balat.
Habang nakatitig pa rin ako sa sariling repleksyon, may ideyang biglang sumulpot sa isipan ko.
Bumaling muna ako kay Freyah. Mahimbing ang tulog niya, payapa at walang kamalay-malay. Lumapit pa ako upang masigurong hindi siya magigising. Pagkatapos ay maingat akong naglakad papunta sa pinto. Huminto ako roon, mariing kinuyom ang aking mga kamay, saka pumikit.
Ilang saglit pa, unti-unting sumiklab ang kakaibang init sa aking laman
