Gillian POV.
PAGDATING namin sa harap ng mataas na tarangkahan ng palasyo, napahinto kami at napatitig sa nakalululang taas nito. Agad kong napansin ang nakaukit na pangalan sa tuktok ng gate, hindi iyon pangalan ng aking amang hari. Malinaw na nakasulat doon ang pangalang Maximus, ang dating kanang-kamay ni Father… ni Alpha King Jeremiah.
Unti-unting nag-init ang aking katawan. May enerhiyang kumikirot sa ilalim ng aking balat, tila handang sumabog anumang oras. Kumuyom ang aking mga kamao, nagngalit ang bagang, at saka ko napansin ang pag-usbong ng pinong balahibo sa aking braso.
“Gillian!”
Napalingon ako at napa-iling nang marinig ang boses ni Freyah. Sa muling pagtingin ko sa aking balat, nagbalik iyon sa normal. Huminga ako nang malalim at nagpasya, hindi muna kami papasok.
“Gill
