CHAPTER 54:
“MABUTI NGA’T NAGPAKIPOT ka, para malaman ng Travis na ‘yan na hindi ka lang basta pwedeng iwanan at balikan kung kailan niya gusto!” Pairap na sabi ni Milly.
Matapos noong sa coffee shop, tinawagan niya naman kami ni Kate para mamili ng mga gamit para sa baby nila. Four months pa lang ang tiyan niya pero excited na siyang mamili. Sabi niya, mas gusto niya iyon dahil makakaipon siya paisa-isa kaysa isang bagsakan siyang bibili. Tama nga rin naman siya doon. Ang kaso, sinasabon na naman nila akong dalawa. Palibhasa ako na lang ang single.
“May rason naman si Travis kaya siya gano'n.”
“Rason? Ay sus, Rory! Huwag mong masabi-sabi sa akin na susunod na mga araw, sasagutin mo kaagad iyang si Travis at kukurutin talaga kita sa singit.”
“At lahat naman talaga ng mga nangyayari sa
