CHAPTER 42:
SA BUONG DATE namin ni Aries, walang ibang ginawa si Travis kundi ang barahin ang usapan naming dalawa. Nabubwiset na ako sa totoo lang. Pero hindi ko lang talaga masaway si Travis dahil nahihiya ako sa harap ni Aries. He’s too kind. Kung ibang lalaki siguro ang ganituhin, baka kanina pa niya sinapak si Travis.
Nang matapos kaming kumain ng cheesecake at kape sa coffee shop na iyon ay nagpasya kaming umalis na. Magkadikit kami ni Aries habang naglalakad, nasa likod naman si Travis.
“Bilisan nating maglakad,” he whispered. Medyo lumapit siya sa akin. Bahagya pang nagdikit ang mga kamay naming dalawa.
“Sige,” tanging sagot ko lang.
Binilisan naman namin ang paglalakad. Alam ko ang purpose no’n, para makatakas kami kay Travis. Nang malapit na sa parking area, mabilis na lumik
