CHAPTER 27:
“HUWAG MO AKONG ginagago, Travis!” agap na sagot ko.
Imbes na hintayin pa ang isasagot niya ay nagmamadali na akong naglakad palayo sa kanya. Sumakay kaagad ako sa nakaabang na jeep. Mabuti na lang talaga ay hindi siya nakasunod sa akin dahil napuno na ang jeep dahil ako ang huling pumasok.
Ilang minuto lang din ang byahe. Pagkababa ko ng jeep ay nagmamadali akong pumasok sa gate ng subdivision. Ayaw ko siyang makausap. Kung sabihin niya sa akin ang mga katagang ‘yon, para bang ang dali lang sa kanya! Pwes, sa akin hindi iyon madali. Hindi madaling pumasok sa isang relasyon kung alam ko namang walang nararamdaman para sa isa’t isa.
Kahit na nagmadali na ako sa paglalakad, hindi ko alam kung kamag-anak ba ni Travis si The Flash dahil naabutan niya pa rin ako. Sa gitna ng kal
