CHAPTER 9:
SIMULA NOONG GABING iyon hindi na natapos si Travis sa pangungulit sa akin. Hindi ko alam kung bakit ang kulit-kulit niya kahit na ilang beses ko na siyang pinagtatabuyan. Para bang sa tuwing mas itinataboy ko siya, mas nagiging determinado siyang sundan ako at kulitin.
Isang beses pa ngang napansin kong iniirapan na ako ng ilang babae— na siguro’y may gusto sa kanya. Sinaway ko nga na huwag akong sundan lalo na kung sa may corridor o kahit saan na maraming makakakitang babae pero tinawanan lang niya ako.
“Sino ba talaga ang gusto mo?”
Iyon kaagad ang bungad na tanong ko kay Milly nang nasa loob na kami ng milktea shop na malapit sa school. Katatapos lang ng klase at nagyaya siyang mag-milktea.
“Oo nga! Diyos ko, kung ako sa ‘yo huwag mong pipiliin si Phil!” gatong naman
