"Sweetie?"
Sabay-sabay na napalingon ang apat mula sa pinanggalingan ng boses na kasingtamis ng asukal na bagong gawa. Isa iyong hindi pamilyar na babae pero nasentro ang mata rito ni Marra nang makitang matiim nitong tinititigan si Minho. Hindi alam ni Marra pero bahagyang kumabog nang malakas ang dibdib niya.
"Kilala mo siya, babe?" mahinang tanong niya sa kasintahan pero inaatake na ng kaunting kirot ang puso niya. Maganda ito at sopistikada. Katulad ni Minho ay malakas din ang dating nito at mukhang bagay sila…
Hindi akalain ni Marra na aabot siya sa isiping iyon.
"Minho, sweetie? Ikaw ba 'yan?" Muling nagtanong ang babaeng bagong dating. Malambing pa rin ang boses nito.
Sweetie? Sino naman kaya ang babaeng ito? Nagngingitngit na hiyaw ng utak ni Marra nang marinig kung paano ni
