Napangisi si Tracy nang makita na nag-iisa na si Louie sa wakas at hindi kasama ang bruhildang babae na si Elyssa. Inayos niya ang suot na gown na pinagawa pa niya sa isang kilalang gown designer at sigurado siyang mapapansin siya ni Louie dahil dito. Dahil sa biglaang pagsulpot niya at hindi nakahuma si Louie. Lalo na nang hinawakan niya ito sa braso. Sinigurado niyang nakatingin sa kanila si Elyssa para pagselosin ito. Tumaas ang sulok ng kanyang labi dahil nagtagumpay ang binabalak niya. Sa sulok ng kanyang mata ay nakita niya kung paano manibugho ang babae.
"Hi, sweetie." Kontodo ang ngiti na bati niya kay Louie. In-expect na ni Tracy na ang magiging reaksyon nito ang magalit pero nasaktan pa rin siya nang iyon nga ipinakita nito. Pinapamukha na talaga ni Louie sa kanya na balewala na
