TMP39: Endlessly
Nagkagulo ang mga bampira at mga nilalang ng Autunno nang makita nila ang mga kawal ng Sempreverde na may mga dalang sandata at mga kabayo, makikita sa mga mukha nito ang galit at desididong saktan ang kahit na sino sa kanila. May ilan naman na hindi nagpatinag at sumugod sa mga paparating na kawal ng mga diwata, maririnig ang pagkiskis ng bawat espada at paghampas ng bawat kalasag nilang gamit dahil sa mga balyahan.
Isang kawal ang kumuha kay Bron at Gino para pakawalan ito sa pagkakatali, lumapit naman si Bron kay Arkin para pakawalan ito, nang makawala si Arkin agad itong lumapit sa higaang bato kong na saan nakahiga si Darcy. Kinarga niya pababa sa higaang 'yon si Darcy, hiniga niya ito sa kanyang bisig, nang lulumo siya sa kanyang nakikita, makikita ang unti-unting
