PUNUNG-PUNO NA ang malaking Stadium nang lumabas ng kotse si Dominique. Nanlalamig ang kanyang mga kamay at pinagpapawisan siya ng husto. Nakapuwesto na ang mga reporters ng iba’t ibang local at national television upang i-cover ang gagawin niyang announcement. Nagkaroon ng malakign stir ang kanyang kandidatura dahil sa hindi pagsuporta sa kanya ng kanyang ama. Kaya tuloy ay nakatutok lahat ng mga mata sa kanya.
Nagsigawan ang mga taga-suporta niya nang makita siya ng mga ito. Kinawayan niya ang mga ito at kinamayan habang patungo siya sa stage. Katatapos lang ng awarding ceremony para sa mga pabahay na handog ng Bise Presidente na isa ring nagpahayag ng suporta para sa kanyang kandidatura. Nakita niya ang kanyagn ina sa harap ng stage. Naka-wheelchair ito at katabi ng kanyagn ama
