APAT NA ARAW na ang nakalipas simula nang tumira si Akilah sa bahay nila Aling Fely. At nakuha na rin nito ang mga gamit nito sa tinutuluyang hotel. Sa bayan pa pala ito umupa noon kaya magkasama nilang kinuha doon ang gamit.
Sa ilang araw na paglalagi ng binata, inaamin niyang naging masaya siya. Nawala ang mga alalahanin niya kahit papaano. Parang hindi siya nagtatago nang mga sandaling iyon. Sabagay, iba ang pangalang gamit niya, habang kay Akilah naman ay Aki. Para rin silang normal na mamamayan sa barangay na iyon. Doon lang din niya napagtantong safe naman pala dahil wala namang kakaiba sa paligid simula nang tumira si Akilah sa kanila. Siguro, hindi na binigyang pansin nang mga naghahanap sa kan’ya ang binata.
Patuloy pa rin sa pagpapapansin si Melba na ikinaiinis niya, hindi l
