“DAD…” aniya sa ama nang magpumilit itong lumabas sa pinasukan nila ni Bridgette.
Napakiusapan niya nang matindi ang dalaga para makalabas ng bahay at mapuntahan ang ama sa kagustuhang makita ang anak kahit sa screen man lang. Pero heto, nagmamadaling lumabas ito.
“Kailangang makalabas ako dito, anak. Ako na ang kailangan nila para mailigtas ang apo ko.”
“Anong ibig mong sabihin? Hindi totoo ang ibinigay mo sa amin na impormasyon?” Halata ang inis n noi Bridgette na ikinakaba niya rin.
Hinarap ng ama si Bridgette. “Hindi naman sila tanga para hindi malamang naipagkanulo ko na sila, kung nakarating na nga ang Alleanza doon. Gaganti at gaganti sila sa akin.”
“So, wala doon ang anak ko, Dad?” aniya.
“Hindi ko nasisiguro dahil wala nang balita sa apo ko mula kaninang umaga.”
“Oh my God!
