Chapter 12
ZALE
Kalalapat pa lang ng pwet ni Zale sa upuan niya matapos na painitin ang ulo ni Clarissa ay tumunog naman kaagad ang intercom kaya agad naman niyang pinindot iyon.
“Sir,” boses iyon ng sekretarya ng ama niya na si Imelda na sekretarya na rin niya ngayon.
Hindi na naman siya nag-abala pa na magpalit ng mga tauhan dahil maayos naman ang records ng lahat ng empleyado; maganda rin ang estado ng kumpanya kaya wala ng dapat na galawin pa. Hindi niya gamay ang pagpapatakbo sa ganoon kalaking negosyo pero nakagabay naman ang mababait niyang tiyuhin na sa bawat araw na lumilipas ay nakikita niya rin ang malasakit sa kanya na akala niya ay wala noong unang araw na dumating siya.
“May I come in sir? I have some papers to—”
“Come in.” sagot niya, saka agad na pinutol ang
