"Kumusta kaya ang mag-asawa?" tanong ni Nathaniel sa asawa kinaumagahan habang sila ay nag-aalmusal.
"I'm sure may giyera ngayon, Daddy---ouch! Bakit ka ba nangungurot?" nakangiwing tanong ni Franklin sa asawa dahil naputol na nga ang pananalita niya ay kinurot pa siya nito ng pinong-pino.
"Ang bunganga mo naman kasi. Nagplano nga kayo tapos giyera ang sinasabi mo," pabulong nitong sagot. Bulong man subalit hindi nalingid sa mga kasamahan nila sa hapag.
"Masanay ka na sa asawa mo, anak. Nakita mo naman kahapon, halos hindi pa naglipat araw ay nakabuo na sila ng plano. Kaunti pa iyan sa ingay nilang magkaibigan." Nakangiting binalingan ni Jezzabelle ang manugang sa panganay na anak.
"Tama ang Mommy mo, Iha. That matter goes with Allick Francisco too. Kahit saglit lamang silang magkasama
