"Kailangan mo ba talaga silang idemanda, Honeybee?" malungkot na tanong ni AF sa asawa.
"Ayaw ko sana silang patulan kung ako lamang ang tinatawag nilang salot at malas. Ngunit dahil sinabihan at dinuduro-duro pa nila ang mga bata ay hindi ko iyan papalampasin. Wala silang karapatang gawin iyon sa mga anak ko!" Napakuyom ito dahil sa pagngingitngit. Marahil ay naalala na naman nito ang nasaksihan.
"Ewan ko na kasi sa mga tao rito. Bigla silang nagkaganyan simula noong natutong lumabas si Prince. Natural lamang na sasama siya sa mga kapatid ngunit hindi naman talaga makatarungan ang ganoon. Ang inaalala ko lamang ay baka mapahamak sila ng tuluyan kapag sila-sila na lang. Hindi habang-buhay na maliliit ang mga anak natin, Honeybee," aniyang muli.
"Wala silang karapatang pagsabihan ng gano
