SAMANTALA sa kinaroroonan ng pinuno ng Al-Qaeda o rebelde, hindi nalingid sa kaniya ang kaguluhang nagaganap pero hinayaan lamang niya. Sa tagal niya sa serbisyo bago naging kalaban ng gobyerno ay marami na siyang karanasan at iba't ibang paraan sa pakikipaglaban.
"Sige magpakahirap kayo riyan at sa bandang huli kayo rin ang talunan! Mga gunggong!" ngitngit niyang sambit sa salitang Muslim.
Dinampot niya ang panyong pula saka itinali sa ulo. Kinuha ang itim na cream at ipinahid sa mukha na ang tanging nakikita ay ang mga pagitan ng linya. Binalingan ang jacket na nakasabit sa likuran ng pinto, kinuha niya ito at isinuot. Pagkatapos nito ay ang mga armas naman ang pinagtuunan ng pansin. Ginawang belt ang bala ng M16, may granada, kutsilyo.
"No one of you can let me down! The world is min
