"WHO are you? Why are you blocking my way?!" mariing wika ng isang babae.
"Girl, paano ka mauunawaan ng bubwit na iyan? Bukod sa gusgusin ay halata namang pulubi. Itanong mo kung nakakaunawa ng tagalog at kausapin mo siya in that way," patuya namang saad ng kasama na sinabayan pa ng nakakainsultong pagtawa.
"Ate, palimos po. Nagugutom po ako..." ani ng bata kasabay nang pagmuwestra ng palad.
Sa hitsura pa lamang nito ay kahit isang pitik ay matutumba na. Halatang gutom na gutom. Subalit imbes na kaawaan ng dalawang babae ay hindi bagkus ay itinulak pa.
"TWIN TOWER EMPIRE ito, yagit na bubwit! At hindi kami pumarito upang magsayang ng oras. Iyan ang nababagay sa iyo! Nakakaabala ka sa amin! Oras na hindi kami matanggap sa inaaplayan naming trabaho dahil sa pagharang mo ay babalikan ka n
