Episode 24
SIMPLE BUT HAPPY
Enriel
Napasilip ako sa bintana nang marinig ko ang boses ni Kendra sa labas ng bahay. Nag-iihaw siya pero ang bibig niya ay walang tigil sa pagdaldal. Kausap ko si Attorney at binabalitaan ako ng matanda tungkol sa papeles na inaasikaso niya para kay Alice. Sinabi ko na rin na alukin niya ng pera ang ina para manahimik na at pumirma na lang para maampon na ang bata. Syempre walang alam si Kendra roon, saka anong pakialam ko kung malaman niya? Basta nakaapelyido na si Alice sa apelyido niya, wala na siyang magagawa kahit pa isumpa niya ako sa pagsuhol ko ng pera sa ina ng bata.
“Enriel?” Untag ni Attorney.
I blinked. Nawala ako. Paano ay kumikembot ang mataray sa harap ng ihawan at sinasayawan ang tatlong bakla na kumakain ng paa ng manok. Labas ang
