***** JELLA *****
“May problema ba?” nag-aalangang tanong ni Jella kay Ryver. Pumasok siya sa kuwarto nito at halos walang ingay na isinara ang pinto.
Umalis na si Eyrna. Naunawaan ng kanyang kaibigan na may importante silang pag-uusapan ni Ryver kaya binigyan sila ng privacy. Sinabihan na lang niya ang kaibigan na galingan nito sa singing contest na sasalihan. Na dapat ay manalo ito dahil papanoorin niya ito sa TV at malamang ay mapapanood din ni Rucia sa Ilocos. Nangako naman si Eyrna na gagawin nito ang lahat para maipanalo ang laban upang mapatupad na ang pangarap nitong maging sikat na singer.
“Anong pag-uusapan natin?” tanong niya pa nang hindi tuminag si Ryver. Nakatalikod ito sa may bintana. Tinataw ang madilim nang kalangitan. Nakahalukipkip. Mukhang hindi talaga maganda ang
