***** JELLA *****
“Nay, anong nangyari?” wala pa man ay natatarantang tanong ni Jella sa ina. Magkasunod sila ni Ryver na lumabas ng kuwarto at magkasunod din na kumaripas ng takbo pababa sa living room. Doon ay nakita nila ang matanda na pabalik-balik ang lakad habang nagkikiskisan ang mga palad tapos ay umiiyak.
Nang lumingon si Aling Reo sa kanila ay nakakaawa ang hitsura nito na animo’y konti na lang ay mababaliw gawa ng sobrang pag-aalala. “Jella, anak, si Deann!” anito pagkuwan ay yumakap kay Jella.
“Nay, kumalma po kayo.” Hinagud-hagod ni Jella ang likod ng ina.
“Aling Reo, sabihin niyo sa amin kung anong nangyari? Huwag lang kayo umiyak nang umiyak. Napa’no si si Deann?” Ryver frowned at Aling Reo.
Inilayo ni Jella ang ina mula sa pagkakayakap sa kanya nang marinig iyon. Sum
