***** RYVER *****
“HINDI ko makita kahit saan dito sa villa si Miss Jella, Sir,” humihingal na imporma ni Jig nang bumalik sa swimming pool. Ginalugad kasi nito ang buong villa makita lang sana si Jella.
“Ano?” Lalong na-stress ang guwapong mukha ni Ryver. “Where did she go?”
Kanina, nang makita ni Ryver ang ginawa ni Jella kay Lovi at tawagin ito ay napakabilis na umahon si Jella sa swimming pool at tumalilis ng alis.
“Natakot siguro, na dapat lang,” ani Lovi. Maayos na ito. Hindi tulad kanina na uubo-ubo dahil nakainom ng tubig sa muntik nang paglunod dito ni Jella. Nakaupo sila ni Ryver sa lounge chair. “Babe, gusto niya akong patayin. Ipakulong mo siya.”
“Kung hindi mo naman kasi inaaway si Jella ay hindi niya gagawin iyon. You provoked her,” ngunit ay matigas na sabi ni Ryver. M
