***** JELLA *****
“Magkape ka muna,” seryoso ang mukha na alok ni Jella kay Axel. Kanina pa niya ito nakikita kasi na palakad-lakad sa veranda ng penthouse kaya para makausap ay pinagtimpla niya ng kape.
“Salamat po, Miss Jella.” Nang kinuha ng binata ang kape ay napansin na nanginginig ang kamay nito.
“May problema ba, Axel?” Hindi naman sa nagdududa siya kay Axel pero hindi kasi talaga siya mapalagay simula kanina nang inilabas nito si Deann na walang paalam. Isa pa’y naalala niya na kabilin-bilinan ni Ryver na huwag munag lalabas sina Deann at ang nanay niya at para magawa iyon ay babantayan maigi sila ni Axel. Kaya ang tanong sa isip niya ay bakit nito inilabas si Deann?
Idagdag pa iyong naalala niyang naabutan nilang walang bantay ang nanay niya at si Deann dahil bigla
