***** JELLA *****
KINABUKASAN ng mainit nilang pagtatalik ni Ryver ay parang tamad na tamad na bumangon si Jella. Ayaw pa nga sana niyang gumising pero dahil naalala niya na may lakad sila ngayon ni Lovi ay pinilit niya ang sarili. At kahit hindi man niya nagisingan si Ryver ay mas mainam iyon sa kanya. Makakaramdam lang siya ng hiya kapag nakita niya ito agad-agad.
Hustong pagbaba niya sa paikot-ikot na hagdanan ay nakita niya si Deann na paakyat naman. Hinintay niya ito sa gitnang baitang.
“Mabuti gising ka na, Mamate. Kain ka na raw po sabi ni Nanay,” sabi nito. Medyo nagulat pa nang makita siya. Siguro ay dapat pupuntahan siya sa kuwarto upang gisingin.
“Nasaan si Nanay?” Inayos-ayos niya ang buhok ng kapatid, ng kanyang anak na lihim. Kung kailan niya sasabihin na siya ang tuna
