“PRIORITIZE this case. Kailangang mahuli n’yo agad kung sino ang pumatay kay Levi Asuncion.”
Ilang sandali pa ay nagpaalam na sa akin ang mga imbestigador na kausap ko. Paglabas nila ay balisa akong napaupo sa swivel chair. Inihilamos ko ang aking palad sa mukha.
Although Levi was one of the most skilled in his field, hindi maipagkakaila ang panganib sa uri ng kaniyang trabaho. Sa dami ng mga assignment na hinawakan niya, hindi imposibleng may mga nasagasaan siya. At iyon lang ang nakikita kong posibleng motibo ng pumatay sa kaniya. Hindi ko rin maiwasang mag-alala. Sana ay walang kinalaman sa pagkamatay ni Levi ang mga pinatrabaho ko sa kaniya.
Pasado alas ocho na ng umalis ako sa opisina. Sa biyahe ay tumawag si Naya at tinanong kung anong oras ako makakauwi. Nauna na akong nagsabi s
