PAGDATING ni Glenard sa rancho mula sa bahay-bakasyunan ng mga Ang ay kaagad niyan binisita ang mga alaga niya. Kinonsulta niya ang mga tauhan niya tungkol sa lagay ng mga iyon. Nang matiyak na okay na ang lahat, saka lamang siya tumuloy sa sariling kwarto para magpahinga. Habang nakahiga sa kanyang kama. Saka naman parang tuksong bumalik sa kanyang balintataw ang imahe ni Sandra.
Bagaman napanatili ng dalaga ang ganda sa nakalipas na mga taon, mas lalong maganda ito ngayon. Bumagay dito ang bahagyang pagpayat. Ang dating makinis na nitong balat ay tila porselana ngayon sa ganda. Maputi iyon na mamula-mula. Ang dating unat na unat na buhok nito ay bahagyang alon-alon ngayon, bagay na hindi niya alam kung dahil lamang sa salon. Sexy na rin itong manamit. Hindi man literal na sexy pero kaa
