"ALAM kong nagtataka ka kung paano kong naging anak si Sandra, hijo. Nasabi ko na sa 'yo noon na bata pa lang kami ay magkaibigan na kami ng Papa mo at madalas ako noon sa inyo. Doon ko nakilala ang Nanay ni Sandy na si Celia." Gulat na gulat siya sa narinig. Tapos na silang kumain at kasalukuyang nagkakape sa lanai. Ang alam niya ay maagang namatay ang Tatay ni Sandra at iyon din ang alam niyang akala ng dalaga. Sino ba naman ang mag-aakala na ang lalaking pinagsilbihan nito ng matagal ding panahon ay ang tunay pala nitong ama.
"I see, T-Tito, pero…mabuti ho at n-natanggap ni Tita Cassie ang bagay na 'to. I mean—"
"You mean, kung mabuti at okay lang sa kanya na suportahan ko si Sandra bilang tunay na anak?" Tumango siya bilang pagtugon. "Ang Tita Cassie mo mismo ang nagpahanap kay Sand
