SA halip na sumagot ay lumabas ng bahay ang ama ni Glenard. Pagbalik nito ay may kasamang matandang lalaki na kahit kailan ay hinding-hindi niya makakalimutan.
"M-Mr. Ang?" Bumangon ang pagtataka sa kanyang sistema. Wala siyang idea kung bakit kasama ito ni Juancho pero isa lang ang tiyak niya. Masaya siya na makitang muli ang lalaking pinagkakautangan din niya ng malaki.
"Kumusta ka na, hija?" Maluwang ang ngiti nito na ngayon ay nakapasok na ng tuluyan sa kanilang bahay.
"M-mabuti naman ho. P-pero bakit ho kayo n-narito?" Gusto niyang magsisi sa tanong. Baka ma-offend ang matanda. Naalala niya ang naikwento nito noon na madalas ito sa Sta. Isabel noong bata lamang si Glenard. Baka naman dumadalaw lang ito ngayon sa kanilang lugar kaya naisama ni Juancho sa bahay nila. Hindi ito suma
