"NASAAN na si Gerald, Ate?" mahinang tanong ni Ruby nang mag-isa na lang siyang bumalik mula sa garden. Nasa veranda pa rin ang mga ito at masayang nagkukwentuhan nang mapadako ang mga mata niya kay Tito Juancho. Iisang kotse nga lang pala ang nakita niya sa garahe nila kanina. Paano ito uuwi gayung nauna ng umalis si Glenard?
"Umalis na. May appointment daw siya sa bayan," mahina ring tugon niya sa kapatid.
"Talaga lang, ha?" naglalaro ang kakaibang ngiti sa mga labi nito.
"Bakit ganyan ang ngiti mo?" kunot-noong tanong niya. Hinila siya nito palayo sa karamihan kaya mas lalo siyang nagtaka.
"Sa tingin ko kasi, nagselos 'yon kay Matteo kaya naunang umalis. Ano sa tingin mo, Ate?" wala sa loob na hinampas niya ito sa isang braso. Kahit kailan talaga ay mabilis mag-isip itong si Rub
