LIEGH
Masayang ibinalita namin ni Declan sa mga magulang ko ang resulta ng pagpunta namin sa doktor. Hindi na nagulat si mama na buntis ako pero nanlaki ang mga mata niya ng marinig na triplets pala ang ipinagbubuntis ko.
"Naku, kayong dalawa, ingatan n'yo ang magiging mga apo ko. Huwag muna kayong magsisiping baka mapaano ang mga bata. Hindi lang isa ang aalagaan n'yo kung 'di tatlo pa, kaya maging maingat kayo. Huwag munang mga sarili ang isipin," pangaral ni mama.
Namumula ang mukha at nahihiya na tumango ako. Kahit naman sabihin na kasal na kami ni Declan at tanggap na ng mga magulang ko ay iba pa rin ang pakiramdam kapag pinag-uusapan ang tungkol dito ng harapan.
"Wag po kayong mag-alala mama, ako pong bahala sa mag-iina ko," seryoso na sabi ni Declan.
"Mabuti kung gano'n. S'ya,
