DECLAN
Nakaabang na ang mga tauhan ko ng lumapag kami sa isla. Ito rin ang lugar kung saan ko dinala si Liegh para magbakasyon na nagsisilbing hideout na rin ng mga piling tauhan ko.
Sa lugar na ito payapa, walang may kakayahang tumakas dahil lahat dito ay kontrolado ko. Walang ibang pumupunta at may access sa lugar na ito maliban sa akin at sa mga tauhan ko kung saan sila hinahasa ng todo.
Lahat ng mga dangerous and critical na mga tauhan ko ay narito. Sa kabilang dako nito ay kulungan ng mga hayop na pinaparusahan ng council tulad na lang ni Hipolito at kanang kamay nito.
"Boss," magalang na bati habang nakayuko ng Chief in command na inatasan kong mamuno sa buong isla.
"Isama mo na sa listahan ang mga 'yan," turo ko sa tatlong taong wala pa rin malay na binuhat ng mga tauhan ko.
